|
艺人林峯因疫情关系,过去数年几将歌唱事业完全放低,他预告龙年将于乐坛全力出击,尽快收复失地,更初步计划于年尾举行巡回演唱会。日前他率先推出情歌《无伤大雅》,由好友吴林峰为他度身订造,阿峯表示:“以前我嘅情歌可能比较撕心裂肺,激动同悲情少少,而今次系讲述一对普通情侣,因为相处时间长咗变成习惯,去到一个樽颈位选择先分开冷静一下,睇吓日后有冇延续及发展。”
与太太张馨月结婚4载,感情一直如胶似漆。谈到现实与歌词“逆向而行”,他笑答:“我哋做歌手同演戏嘅,系演绎紧不同人生情节,唔需要亲身经历嘅。(点样将感情保鲜?)其实唔只系感情,生活上都要保持童心,对所有嘢有正面乐观嘅能量,大家互相影响就得。(真系冇同太太吵过交?)都系啲正常家庭嘢啫。”谈到今次录音,阿峯坦言自己要求比以往更高:“录完第一日,返到屋企点听都觉得差咗啲嘢,未捉得好准而且唔舒服,可以讲灵魂上唔系我想要嘅,于是我主动要求再录多次啰。”至于MV找来周秀娜仗义帮手,阿峯慨叹说﹕“我哋歌影视三栖都合作过喇,佢真系太瘦,希望佢食番肥啲,其实佢饭量都好大,似乎系食极唔肥,但我觉得女仔唔可以太瘦。”
​另外,谈到早前出席无綫颁奖礼,原来阿峯当时负伤现身:“有日我抱住囡囡跣一跣脚,又唔想整亲佢,所以顾唔到自己,拗柴听到啪一声!”他指当晚与很多旧相识聚首一堂,忙敍旧连堂妹林夏薇坐在自己正前面,亦完全未有发觉。问到他可有打算返娘家TVB拍剧?阿峯坦言:“要睇好多嘢,包括时间、角色同拍档等,不过知道之前拍咗嘅《家族荣耀之继承者》应该好快同大家见面,呢套剧我真系拍得好开心,马来西亚外景期间,同台前幕后一齐生活,机会好难得。”
|
|