“御用衰人”谢东闵担正主角 告别衰格洗底做好人

etin

孔德贤、谢东闵、陈嘉慧等主演的无綫剧集《本尊就位》即将播出，谢东闵近期演出的角色均为衰人，更获封为“御用衰人”，今次他终于告别衰格饰演好神仙，他称新剧中最大难题是发型：“监制想我个造型嘅头发长番少少，所以要加假发，因为我哋拍嗰阵都几热，又要戴头套又要黐须，都几辛苦架。”而剧中东闵有跟空气对打的场口，也令他大感难忘：“嗰场我主要系同空气对打，好似拍紧Marvel咁。同埋系第一次吊威也吊到咁高，去到个厂个顶咁滞，仲要吊咗成晚，因为本身我有少少畏高，所以都几惊。”至于首度升呢男一的孔德贤坦言收到角色第一个反应是“不懂反应”：“好感恩公司畀呢个机会我，成个拍摄过程都好开心、好期待，今次接触咗好多前辈，佢哋教识我咩叫敬业乐业。”

为演好角色，他除了“瞓觉都揽住剧本”外，更一个月瘦了7.5公斤：“嗰排真系生理同心理都好大挑战，我知我演技一定未够班，所以只能更加努力。”谢东闵与孔德贤在剧中有大量对手戏，两人可谓日见夜见，东闵笑言：“大家可以话每日都喺埋一齐，系好愉快，但有时真系对到想呕，嗰阵屋企人同朋友反而完全冇时间见。我哋系熟到有时争一场、半场，都会等埋一齐收工。”孔德贤透露当正对方是哥哥，并感激东闵教了他不少东西：“佢好正架，谂嘢好通透又好有经验，又好了解我，好明白我依家嘅阶段面对紧咩问题，佢教识我好多嘢。”