相隔6年再出实体碟 Twins新歌掀回忆杀

etin

Twins将于本周日展开一连14场演唱会，在个唱开锣前，二人率先为乐迷送上全新广东EP《WE ARE TWINS》，当中歌曲《梦想与梦》于昨日（19日）上架，新歌呼应经典歌《风筝与风》，唱出Twins多年来在演艺路上的初心不变。两人为MV远赴台湾取景，当中有于山顶放风筝的画面，充满回忆杀，而二人好友容祖儿更惊喜献声。Twins回想成军22年的旅程，表示就像做梦一样：“《风筝与风》呢件事系一个开始，但系我哋依家着得好华丽、好唔一样，回想番好似经历咗好多，好似发梦一样。可以持续到咁多年，其中一个系呢个本身就系我哋嘅梦想。其实今次呢个MV有一半系一个梦境嚟嘅，我哋依家着住呢套衫系喺梦境入面嘅服装，后尾再返到现实，就系去返放风筝。”
相隔6年再次推出实体碟，阿Sa有感现在好少人会出实体碟：“因为我以前细个个年代系锺意实体碟，攞住只碟好开心，同埋又适逢演唱会，希望大家会锺意。”至于歌词方面，虽然二人没有给出明确的方向予填词人，但大家都不约而同地写出相似的东西：“因为佢哋都见证住我哋嘅成长，佢哋系喺佢哋嘅角度去写我哋，睇到系好感动。”阿娇则谓EP中的歌曲跟以前很不一样：“我哋由出道到依家每一张碟都尝试咗好多嘢，今次都有好多新嘅元素，亦都有回忆，因为我哋开演唱会，都想有新嘅作品带俾大家，咁耐冇出广东碟，希望可以有广东歌，又可以配合番我哋嘅演唱会，俾一个新嘅感觉俾大家。”讲到演唱会快将举行，二人称已准备就绪，阿娇坦言开始感到压力：“有少少紧张啦，开始有少少手震，哈哈，有少少瞓唔着，有少少压力，OK嘅。”阿Sa则谓：“要准备嘅嘢都准备好㗎啦，依家系要好集中将所有嘢全部摆埋一齐。”