|
无綫花旦高海宁(高Ling)凭台庆剧《新闻女王》成功夺得无綫《万千星辉颁奖典礼》“最佳女配角”,可喜可贺!台庆系14号晚举行,而高Ling 13号就系佢37岁生日正日,依家“双喜临门”,佢终于都有时间出post讲点庆祝喇。佢喺社交网晒出靓相同片,原来系佢闺密、美女厨神Hilda为佢安排咗个大惊喜,Book晒澳门酒店房同decoration、气球、蛋糕咁为佢搞生日私家P,难怪高Ling会咁难忘!​只见高Ling以一袭腰间Cut-out贴身连身裙出现,一行入到去酒店房佢都已经被满满嘅粉红布置包围,面前仲有个大嘅神秘盒,原来入面系Hilda为佢精心准备嘅气球同生日永生花,又靓又有少女味,梦幻感爆灯。而高Ling以背脊入镜,正正就见到佢个滑熘玉背,皮肤细致白到识发光,真系引死人。佢仲自爆当日系生日正日,第二日仲有专车车佢返香港出席台庆颁奖典礼,Timing啱啱好。
|
|