|
艺人马国明昨晚(6日)到尖沙咀出席剧集《飞常日志》煞科晚宴,他透露昨晚是他成为人夫前的最后一个公开活动,之后便会飞往外地举行婚礼,但他拒透露婚礼是否在峇里举行。对于早前郑嘉颖太太陈凯琳(Grace)贴出到非洲旅行的照片,被网民斥责她在郑嘉颖的“嘥时间”论上火上加油,马国明表示:“我冇睇过,但Grace系咪去做嘢咋?佢平时都拍好多片,如果系做嘢都好正常。”他又强调:“大家唔使将呢件事煲大,好小事啫,唔使咬住唔放,总之我同嘉颖冇嗌交。”
对于嘉颖表弟王贤志在社交平台发文,暗寸有人是“双面人”,马国明表示:“我冇睇,唔知佢讲边个,大家都只系揣测,正如我之前所讲,唔熟悉佢嘅人会觉得佢寸,所以我唔会代其他人畀评论。”问到“铁马家族”成员是否除郑嘉颖之外,其他成员都会出席他的婚礼?马国明直认:“依家应该齐,开头子善都话唔得,因为都系小朋友有关,如果佢嚟唔到我都唔会怪佢,不过依家问题解决咗,所以佢可以嚟。”马明指完成婚礼后,计划再相约嘉颖饭敍。
同场,高海宁(高Ling)将为马国明和汤洛雯(靓汤)婚礼担任姊妹,获靓汤预告已为她预留了花球,加上早前传出有新恋情,高Ling否认说:“唔系呀,我睇新闻时都有少少O嘴,对方只系一个喺咖啡店遇上识得嘅老板,大家坐低倾咗两句,佢仲话考虑紧参唔参加内地素人相睇节目。(有冇发展机会?)唔会,我好讲眼缘,亦唔系会收兵嘅人,佢亦冇追求我嘅意思。”
讲到接花球,高Ling开心笑谓:“可以接呀,我成日叫靓汤介绍异性畀我,其实我唔系冇人追,不过系要我锺意嘅,否则都唔会单身咁耐。但我听讲接咗花球要半年内结婚,所以花球畀现场有准备结婚或者准备被求婚嘅女仔优先。”另外,高Ling在《新闻女王》的造型和发型成为模仿指标,她兴奋说:“我知道有好多网民会整差唔多嘅发型,买差唔多嘅服饰,又会做一样嘅表情同动作,睇到咁多人扮自己的角色,当然好开心。同埋有人画我嘅肖像配唔同嘅衫、动作,又有我唔同喊嘅表情,迟啲我会一次过post出来。”
​蔡思贝则透露与众主角自掏腰包给剧组抽奖,更自爆提供护肤品和facial疗程,她说:“我前排去咗李日朗个小颜术活动,我同佢讲有呢个庆功饭,所以叫佢赞助。(攞现金出嚟抽?)我冇㩒定钱呀,到时现场应该有人嗌,或者过数畀佢哋,有拖冇欠。”思贝又透露日前到广州跟中国体操冠军刘婷婷学前空翻及平衡木,她表示:“今次做咗人生第一个前空翻同平衡木,人哋3岁就训练,我就30岁先训练,婷婷仲赞我好有体操天分,令我想继续去研究。(你系被演员耽误嘅运动员?)唔系,希望做演员得嚟随时装备好自己,有动作戏身体都准备好去应付。”
|
|