孖黎耀祥8度合作默契有加 胡定欣呻：忙到瘦

etin

视帝黎耀祥与视后胡定欣、萧正楠、陈晓华、庄思明等演的无綫新剧《巾帼枭雄之悬崖》正于横店拍摄，日前获高层曾励珍及制作部总监徐正康现身探班打气，前者更自掏腰包请食饭，黎耀祥于拍摄期间亦有万岁请大家“喝饮料”，众人更写上：“英俊潇洒、器宇轩昂、玉树临风、全组最爱的祥哥又…又…又…又…又…又…请大家喝饮料！”的水牌前合照，气氛热闹。

黎耀祥透露是次拍摄行程十分紧密，几乎日日开工：“冇乜时间叉电，有段时间系A、B组咁拍摄，拍完A组就过B组，有时早咗少少收工就出去食饭。”提到与定欣第八度合作，他说：“佢都算系我喺TVB合作最多嘅女演员，所以今次合作都好有默契，大家都会一齐食个饭，工作上有啲咩都会交流吓。”至于拍摄难忘事，他表示今次跟内地工作人员合作，带给他很多新冲击，加上横台地方大，连带拍摄的场景亦变得丰富，监制亦专登为剧组安排少油、少盐、少糖的饭盒。

而定欣受访时亦坦言日日开工，她说：“呢套剧通告好多好密，真系好少机会出去食饭，珍姐同徐生嚟咗大家可以早啲收工，大家一齐食个饭放松吓，如果唔系真系冇乜机会。”更指开工头一个月特别忙碌：“我嘅银行主景要连开十几日，之后亦都有唔同嘅景连开几日，第一个月真系好辛苦，冇乜点休息过，内地有说法叫顶天立地，即系头场去到尾场都系你！所以今次带嚟嘅运动衫都冇郁过，反而一有时间尽量瞓番多啲叉电。”

定欣指今次角色对体力、精神消耗比较大，拍摄期间消瘦不少，她说：“今次唔使做运动都消瘦咗，啲衫裤都松咗，系真系开住工瘦！本身都少食淀粉质，但拍呢套剧消耗比较大，所以都一定要食饭，但系消耗实在太大，食完饭之后，拍完一、两场就已经开始肚饿！”至于今次再与黎耀祥合作，定欣坦言：“同祥哥合作咗好多次，对上一次系《公公出宫》，都隔咗一段时间，每次同佢合作都系一个学习机会，好似再上堂咁。今次嘅角色同以往好唔同，要应付好多大场面同长对白，祥哥系一个好好嘅Model，畀我去好好学习。”