李施嬅望孖佘诗曼组SheShe CP 撑黄智雯日后“回巢”

etin

台庆剧《新闻女王》演员李施嬅昨晚（2日）出席无綫节目《奖门人圣诞感谢祭》拍摄，同队有同剧演员高海宁、王敏奕、邓智坚和姚宏远，大战亦是同剧演员的佘诗曼、何广沛、何依婷和倪嘉雯等人。李施嬅笑言今次是第一次参与《奖门人》，笑言事先没有做足功课，不知道有一个环节会湿身，所以没有带衣服替换：“好惊，啱啱有人问要唔要借个底畀我，我以为有雨褛会冇事，但佢哋同我讲冇用都系会湿。”一向讲究卫生的李施嬅亦都十分担心“啜乒乓”的环节，怕乒乓波会被循环再用。被问到希望和谁“啜”？李施嬅直指佘诗曼：“因为我睇啲网友，《新闻女王》剧集里面佢哋最锺意系我同佘诗曼嘅CP，觉得我哋好夹，都系两个做嘢叻嘅女仔，我自己亦都好锺意，觉得佘诗曼饰演嘅文慧心好吸引，当然佘诗曼本人都好吸引，又靓又白。”又大赞同队的高海宁亦不错，希望都可以锡。

讲到由李施嬅、姚子羚、胡杏儿、胡定欣及黄智雯组成的好姊妹团“胡说八道会”即将展开美国巡回演唱，李施嬅透露昨日为演唱会试衫：“我哋演唱会每一个女仔都会有一套类似款式嘅衫，有啲会露长腿、露腰咁。（你露咩？）我露短腿同腰咁，长腿就留畀子羚。”谈及好姊妹黄智雯近日宣布正式离开TVB，李施嬅表示智雯事前亦有和她商量：“我都知离开嘅时候要谂好多嘢，因为系呢个大家庭始终都好舒服，但系我都好支持佢嘅决定，佢都系时候要去见识多啲，同埋我都相信如果有机会佢会返嚟拍剧（好似你咁？）系呀，走咗都唔代表唔会返嚟。”

​笑称好姊妹中仍留在无綫的姚子羚是一姐：“子羚应该冇谂过要走，因为佢都仲有好多工作好多剧要拍，同埋我觉得每个人嘅时间都唔同，如果你觉得系呢间公司舒服嘅，同埋仲学到嘢，仲可以进步，咁我系尊重嘅。”至于传言黄智雯是因未曾夺得视后而离巢，李施嬅说：“啲人都好似都咁讲我，不过唔系唔关事，智雯都攞过马拉视后，同埋我觉得嗰奖唔系决定去留嘅原因，其实离开一间公司系惊，不过呢个惊可以畀到刺激佢，其实我哋做艺人好需要呢种刺激感，当我哋冇安全感嘅时候，就会愈嚟愈进步。”希望日后可以和智雯一班好姊妹在外国拍剧。