|
艺人高海宁(高Ling)有份出演嘅台庆剧《新闻女王》现正热播,唔少观众都对剧中饰演记者许诗晴嘅佢赞赏不已,而高Ling亦非常落力喺社交网为剧宣传,不时都会晒靓相同粉丝互动。日前佢分享咗自己去捐血嘅短片,并写道:“昨天收到红十字会的电话,急需我的血型的血液,今天工作空隙即刻跑去捐血。中学时期已开始捐血,但还是忍不住会紧张,睇我紧张到硬晒肽。”之后又呼吁粉丝齐齐捐血,“护士告诉我哋中海贫血症患者每隔一个月就要输入3包红血球,还有其他患者也可能需要定期输血,捐血救人,人人有责。”网民纷纷留言大赞女神人美心善,不过亦有人表示好奇佢系咩血型,红十字会直接打电话叫佢去捐血。原来高Ling系稀有嘅“熊猫血”,佢曾喺2020年就分享过自己捐血嘅相,当时仲晒出自己收到嘅纪念品,上面写有“香港仅约0.7%人口为负型血,属非常罕有,故负型血又称为‘熊猫血’”虽然次次捐血都会好紧张、好惊,但高Ling依然都经常去捐血,女神真系人美心善呀!
|
|