|
艺人何依婷早前在社交平台分享婚照宣布与圈外男友结婚,她昨日(27日)在活动上透露已过大礼,但仍未注册结婚,而婚礼则安在下个月举行,而婚礼亦筹备得差不多,她笑言:“原来我都唔系执着嘅人,好似舞台唔够高,啲花摆唔到呢啲我都冇所谓,少少唔开心都冇,因为婚礼只系一日,但婚姻系一世,我同未婚夫都唔想因为个婚礼而嗌交,我哋好佛系。”她又指婚礼只会邀请挚亲好友,不会大排筵席,而姊妹团亦包括圈中人,包括张秀文、锺晴、蔡嘉欣及陈诗欣,又直言会向下月初结婚的蔡嘉欣取经。提到在《新闻女王》中与马国明激咀,她表示近日工作繁忙,故没有追问未婚夫可有收看。至于婚礼可会邀请佘诗曼(阿佘)和李施嬅?何依婷说:“冇位呀,我只系搞小型婚礼,佢哋会明白,同埋之前剧集首播食饭,佢哋都见过我未婚夫。”阿佘日前在访问中揶揄她跟剧中角色没反差,被指带有火药味,何依婷大方回应说:“佢讲笑啫,我识佢嘅人唔系咁嘅意思,或者佢太入戏,Man姐就系咁!”对于被网民批评演技浮夸,何依婷表示无论被踩或被赞都会继续努力,亦不会不开心,强调对自己有要求,一定会比之前进步。
|
|