龚嘉欣与两大视帝合作有默契 张曦雯太重口味惹笑料

etin

视帝陈豪、谭俊彦(Shaun)及视后龚嘉欣与张曦雯(Kelly)现时正于内地深圳为无綫新剧《企业强人》拍摄中，日前剧组为幕后工作人员大搞庆生派对，台前幕后打成一片。首度加盟“强人系列”的Shaun大赞团队十分团结：“好荣幸可以进入《强人》世界，呢个可能系我近年来参与过最团结嘅一个剧组，台前幕后嘅兄弟姊妹有好多已经合作过好多次。因为一班工作人员要离开自己屋企一齐进行几个月嘅拍摄，的确系需要互相扶持。虽然依家拍摄仲未完结，不过大家已经有依依不舍嘅感觉。”Shaun笑言在深圳开工最难抵挡是美食诱惑：“拍剧嘅时候我都会保持食得清淡，但深圳实在太多美食，我只可以每日保持适当运动量，都算冇肥冇瘦，但今次嘅服装大部分都系西装，一定要保持身形。”谈到新剧拍档陈豪，Shaun笑言对方是其精神食粮：“依家成日有得饮Mo记咖啡，佢唔喺度时、冇咗杯咖啡真系提唔起精神讲对白。”

同样首度加盟“强人系列”的龚嘉欣，透露剧中有不少开会戏份：“大家会舌剑唇枪咁去角力。”嘉欣曾于社交网上载靓相并分享拍摄开会戏份花絮：“终于完成了重要会议戏份，感谢企业强人团队的每一员，合力打造一场又一场的精彩场口，不容易！是挑战，但更是享受！稍稍松了一口气，才记得自己讲完八场戏对白，喉咙痛了，还有那膝盖发炎了几星期的脚，哈哈！一演戏就是这样忘我！”最近荣升老板开饼店的嘉欣，坦言拍摄《企业》时特别有共鸣：“依家饼店生意靠香港团队帮手睇住，佢哋都好好、好体谅，因为我依家嘅生意系刚刚起步，觉得同今次剧本好有共鸣，剧本写嘅嘢，就系现实生意上经常都会发生嘅事，令我都更加有投入感。”

已非首次与两大视帝陈豪和Shaun合作的嘉欣直指拍摄时相当有默契，更容易捉准对方感觉，故特别有火花。她又谓不用拍摄时，大家都会捐窿捐罅搵嘢食：“当然唔少得饮咖啡啦，饮咖啡时仲有阿Mo讲解，直头好似上多咗堂咖啡堂咁。同埋剧组有一班年轻人，佢哋好犀利，成日喺网上面查到一啲好好玩嘅地方。”嘉欣又大赞剧组很有爱：“大家每日都会互相准备好多美食，日日都有唔同惊喜，好似水煮鱼、港式面包同埋珍珠奶茶，搞到我都特登买咗个磅提醒自己！”

今次已是第5度拍摄“强人系列”的Kelly透露与幕后班底合作无间，感情犹如家人一样，她说：“今次幕后同事比较辛苦要日日开工，所以每日开工都会谂吓叫啲咩外卖，同大家‘万岁’ 开心吓。”Kelly又自爆是宅女一名：“我系一个 Homebody嚟，虽然有时都会去食吓嘢，但大部分时间都系留喺酒店睇剧本、睇书同煲剧，又可以叫吓外卖，好享受呢几个月嘅拍剧时间。”Kelly又透露自己爱吃重口味食物，但却很少人看得出，并曾因而引发笑料，她说：“因为同Shaun第一次合作，大家唔系好熟悉，有一次佢万岁请大家食Lunch，佢以为我系好锺意食健康嘢嘅人，专登嗌咗兜蔬菜畀我食，我望住兜嘢以为佢讲笑。当时阿Mo已经喺侧边爆笑，佢好清楚我唔系食呢啲嘢嘅人。”