|
艺人蒋祖曼(Joman)于台庆剧《罗密欧与祝英台》表现亮眼,于前晚一集中找到杀子真凶后充满仇恨眼神,以及一边声嘶力竭尖叫,一边疯狂连环开枪的状态极具穿透力,Joman坦言拍毕后确实需要时间平伏:“我每次接到新剧本做功课时,个情绪都会随住代入角色嘅心路历程起起跌跌,过程系好痛苦,但我好享受。但嗰种情绪去到拍摄现场我会掉晒佢,然后等对手交嘢畀我再接番。拍杀戴耀明嗰场戏时,我系谂如果一个人身边最亲嘅人畀人杀死咗,报仇成功后嗰种痛恨又畅快嘅宣泄系冇可能收埋,拍完嗰种痛真系需要啲时间去平伏。”谈到“放生”陈豪一幕要主动献吻,Joman笑言事前为了应否向陈茵媺(Aimee)备案大感挣扎:“我唔知点讲好,好似讲咗仲尴尬咁,后来佢知到都话佢唔介意,但就问我边一集锡,佢话要准备揞眼。”
|
|