|
艺人蔡洁在热播剧《香港人在北京》饰演女强人,现实中同样事业心重,对工作充满热诚和干劲。适逢明年就是出道10周年,为了庆祝这个大日子,她密谋为自己打造新歌,杀入乐坛!她将以歌声回顾入行以来的心路历程,实行过完戏瘾再满足唱歌瘾。
​现年34岁的花旦蔡洁在无綫剧集《一舞倾城》饰演当红舞小姐Monica人气急升后,今次在台庆剧《香》饰演女强人,两个角色反差甚大,但同样有发挥空间,让她过足戏瘾。她在剧中是陈展鹏的“白月光”,2人多年后重遇,虽然角色误当陈展鹏和吴若希之间的第三者,但她并不担心会惹网民讨厌,她日前接受专访时表示:“剧情系好好笑同欢乐,又唔会去咗嗰个方向。我觉得如果真系引起大家强烈感受,某程度上都系一种成功,佢哋同角色同喜同悲先会有咁大情绪。”
剧中演员陈展鹏、吴若希、吴业坤及戴祖仪都是唱家班,想不到蔡洁亦会为剧集献声,带来惊喜,她笑说:“系咪估唔到呢?我唔系唱好多,等大家期待吓,都系唱啲经典歌,仲要同吴若希比并,剧入面我嘅歌声系完全取胜,剧外梗系唔够佢唱得好!”讲到唱歌,蔡洁即滔滔不绝,更兴奋透露稍后会打造一首属于自己的歌曲:“我好锺意唱歌,明年上半年系我返嚟香港嘅10周年,所以想借呢个时候同我嘅粉丝分享呢10年嘅经历,嚟紧会计划做自己嘅歌,未落实晒,但相信好快会同大家见面。”
蔡洁称在澳洲留学期间曾参加歌唱比赛,虽然当时以玩票性质参加,却成功打入10强,笑言未至于五音不全,她又透露:“之前有跟吴业坤学唱歌,上咗唔系好多堂,佢好明白我,知道要点样调节我去更好嘅状态。我唔系成日去上堂,但佢会畀好多意见我,同埋有赞我,好多谢佢鼓励。我有搵另外嘅老师,可以听多啲唔同人嘅意见。”初试啼声的她会以慢歌为主,希望透过歌声诉说一些故事,至于会签唱片公司还是自资出歌,她指一切仍在商讨中。
近年工作量渐增的蔡洁,被踢爆迁入千万豪宅,又遭暗示财来自有方,问到是否食得咸鱼抵得渴?她坦言:“细个未入行时,睇到呢啲新闻都会有啲猜测,究竟嗰个人点样做到?自己咁多年经历到依家,都可以同大家分享,我并唔系大家谂得咁劲,身边好多同事好多都好优秀,无论事业方面、作品收入甚至选择居所方面,我觉得自己仲需要去参考或学习佢哋,呢个系事实。依家系我可以应付到嘅合理生活范围内,我系一个几宅嘅人,好需要安静嘅环境,只不过系选择适合自己嘅居所。之前有报章写我架车嘅估价,我心谂如果真系咁高,咁我可以半价卖出去。”
|
|