|
视帝陈豪与陈茵媺(Aimee)于台庆剧《罗密欧与祝英台》夫妻档上阵,还齐齐上演“行走中的神枪手”,边跑边向目标开枪,不约而同飞跃上车大显惊人跳跃力,被网民笑言:“畀佢两公婆玩晒!”亦有人认为双陈剧中爱情线愈看愈吸引,并指最大功臣是饰演社工谢姑娘的黄碧莲。剧中有场碧莲为向陈豪表爱意,先后6连环出招,包括送情侣水杯、送外卖、强调单身、悉心打扮、无限冧样及主动献吻,其中献吻一幕不但吓到陈豪满面通红,网民亦睇到哗哗声,碧莲受访时笑指有事先向Aimee“自首”:“我系第一次同前辈拍Kiss戏,咁我同Aimee都系加拿大女仔,所以拍呢场戏之前我都有同佢讲笑话‘唔好意思,我要锡你老公’佢都喺度笑,仲话‘It's Ok,Go Ahead’我听完就冇咁紧张。”更指拍摄当日Aimee亦有在场,但二人未有碰面:“大家正式开始前会倾吓咩角度拍同点打灯,所以我都好快投入到。咀阿Mo嗰吓我哋都要做好多练习。”碧莲又分享搞笑花絮:“导演话佢唔嗌Cut我唔好停,咁我就有个Take哄到好近好近,但导演未嗌Cut,我就掂住咗阿Mo嘅须根,好拮,个心就系咁谂点解仲未嗌Cut嘅。”
|
|