|
艺人蒋祖曼(Joman)在无綫新剧《罗密欧与祝英台》中饰演酒吧老板娘“祝英华”,同时亦是一名身手了得的神枪手,为了演得更加神似,她于开拍前特别前往训练拳脚和枪法,她说:“每日不停练打觔斗、左右手转枪,练到起晒枕。”最令她难忘的是身为酒吧老板娘的她,出场便要大展歌喉及跳舞,她表示:“我一路唱《我要》,一路跳一part舞,我系零舞蹈底子,但要一路做戏一路跳,仲要配埋口形,我同5个酒吧手下一齐跳,佢哋笑我,我又笑吓佢哋,未试过拍嘢途中笑到想呕,日日都笑不停,拍得超开心。”
Joman指角色是个真性情及敢爱敢恨的人,但跟现实中的她完全相反:“我成日都会做啲好硬净、好硬朗嘅角色,但我绝对唔系,可能我啲五官轮廓好男仔,佢哋觉得好硬净,但我系一个好依赖、好犹豫不决嘅人,虽然我好冇所谓,但我对自己做嘢好有要求。”首次跟陈豪和陈茵媺(Aimee)两夫妇合作,Joman大赞二人十分友善:“跟Aimee相处感觉好舒服,佢好似住喺你隔篱屋嘅女仔一样,冇架子又好亲切,你有咩问题问佢,佢都会好仔细咁答你,尽量去帮你。而陈豪除咗会睇自己嘅戏,仲会畀意见对手,但佢唔会令你唔舒服,佢会好温柔叫你试吓,又好愿意分享,系一个暖男。”
|
|