|
艺人张曦雯(Kelly)出名样靓身材正,本身拥有一把长发嘅佢,于热播剧《破毒强人》作出好大牺牲,以短发造型上阵,佢日前于社交网大晒番当日“落发”嘅片,睇见佢好唔舍得把长发,又笑又喊仲拎纸巾抹眼泪,真系睇见都心伤!​有唔少网民都赞佢短头发Look好睇,但系竟然有网民“二次伤害”话唔信佢真系剪短咗头发,觉得佢喺剧中只系戴假发喎,而张曦雯就发文指:“是不舍得,但如果你怕遇挑战,你永远不会知自己能做到甚么。100%会再做一次!”佢早前都表示最初要剪走长到腰嘅头发,真系好唔舍得,但系后嚟又觉得好配合番个角色,而且头发短咗可以留番长,所以最后睇开咗觉得冇所谓,仲话嚟唔怕剪Skin Head添!
|
|