|
歌手糖妹、陈明憙(Jocelyn)、日前(29日)参与旅发局举行的“维港水上音乐会”,以“广东流行汇”为主题,作开场表演的糖妹以串烧歌打头阵,并与舞蹈员劲歌热舞,带动现场气氛。喜欢水上活动的她表示滑水潜水都有玩,所以收到大会邀请好期待:“我从来冇试过喺水上舞台跳舞,今次更仲打头阵,特别同Dancer排咗两、三日舞。”糖妹笑言排舞时特别注意下身舞步,若在船上表演时,船只即使稍有摇晃,也能企稳继续跳,她说:“原来船只好稳定,我喺表演时都唔觉得企喺船度,但四周环绕都系海,加上香港咁靓嘅夜景,感觉超梦幻。”
身穿黑色紧身上衣及红色短裙的她载歌载舞,被指收身成功的她说:“大家都留意我有做Gym打卡,夏天到自己又锺意水上活动,加上暑假工作机会多,当然需要勤力Keep啦!”9月她将到广州与林晓峰一齐举行演唱会,要更努力游水练气。会上她与Oscar(涂毓麟)合唱《现代爱情故事》,她说:“我畀咗几首歌Oscar拣,有几首较新嘅歌,估唔到佢选呢首,不过到今日彩排时我明白晒,睇到佢父母手拖手恩爱到场,睇住佢哋仔仔彩排,我相信呢首歌应该系Oscar父母锺意嘅歌。所以我唱呢首歌时都啲压力,想唱得更好,同Oscar送呢份礼物畀世伯伯母。”糖妹指好欣赏Oscar孝顺又乖仔,一直合作得非常开心,她可会与年纪较小的弟弟发展,糖妹听闻立即说:“几惊你问我系咪同Oscar有嘢,一阵世伯伯母喺后台审我!”
|
|