|
久违了的叶璇特意返港,联袂谢安琪、贾晓晨(JJ)、关智斌(Kennny)及陈静等,拍摄ViuTV新剧《法与情》,台前幕后昨午云集葵涌开镜拜神。叶璇透露自己已3、4年未有返港,接演新剧因觉得角色很大挑战:“我演一个老人院老板,虽然有钱但从来未拍过拖,今日呢套戏服已经算靓。为配合角色,我仲主动提出要素颜出镜。”
戏中关智斌(Kenny)为她洗心革面,二人的感情线却“点到即止”:“冇亲热戏,好羡慕JJ同Kenny有床戏。我都有床戏嘅,Kenny瞓喺病床,我去探病啰,哈哈!不过我哋依家传短讯互叫BB,希望尽快入到戏。”问到与圈外男友的相处,叶璇表示“未婚”,但感情稳定,但暂时未有结婚打算。对于外传她大肚,叶璇打趣:“有咗钱咋?生BB都会考虑嘅,顺其自然啦。”提到早前网上带货,被网民嘲笑身材走样似大妈,叶璇则大方回应:“其实带货都系做骚,演出梗系有造型啦,如果唔可以扮丑样,即系唔专业,影到话我有肚腩系角度问题。”
​至于扮演大律师的谢安琪(Kay)昨日清晨6点已到场开工,拍摄法庭戏。她透露:“我系余安安嘅徒弟,要挑战佢退休前打官司嘅连胜纪录。今次对白有好多法律上嘅专业名词,开工前花咗好多时间做功课,亦有向律师朋友问。”Kay坦言上次拍剧,已是约8年前的无綫剧《僵》,问到她是否在家捉老公张继聪练戏?她答:“冇,怕影响大家嘅感情,不过佢呢排休息,可以经常嚟探班,嗰日喺唐7楼开工,事前我同佢讲,如果行咁多层楼梯嚟探班就系真爱,点知佢真系出现喺我眼前,好有诚意。(佢上次去日本拍戏,最终买咗啲咩手信畀你?)一个木制嘅卡片套,佢开始染到文青feel,又睇咗报纸知我点同记者讲,梗系识做啦。”
|
|