激动到喊 梁诺妍日本跑半马拉松冲个人最佳成绩

etin

艺人梁诺妍虽然已经做了妈妈，但对跑步热血程度有增无减，除了参加香港马拉松，近日更到日本参加轻井泽半马拉松赛事，更在赛事得到“PB”（Personal Best）个人最佳成绩，难怪激动到爆喊。她在社交网分享说：“唔系同别人比赛，而系同自己比赛，唔系要跑得比别人好，而系要跑得比以前的自己好。跑步是最公平的，付出几多，跑步成绩就系咁多，我知道我资质不好，将勤补拙，尽力一有时间就练，我太喜欢跑步了，每一次训练我都好enjoy。”
梁诺妍指今次虽然是跑半马比赛，实际上比全马辛苦太多：“虽然短一半，但系目标系每公里要跑快30秒。大胆啲开 1hr45嘅 pacing（即5min/km)，头16K都keep到，之后有啲drop，一跌跌到，跑到16K 已经系开始用意志，到18K两脚小腿开始想抽，我心谂求吓你等我跑完先抽，生生性性 please，到最后1K望见家乡，咩粗口都喺晒心入面，同叫自己坚持呀喂，再唔冲就PB唔到㗎啦，估唔到自己可以喺最后1K冲到4分39，跑完后都差啲企唔稳，回返气先开始好激动。”
​冲过终点回气后她为自己突破4秒而超激动：“轻井泽半马拉松完走时间1小时45分33秒，我PB了，比我2019 年喺乌兹别克做嘅时间快 4秒，今次未跑前真系觉得我呢世都唔会再PB到乌兹别克个时间，真系好黐线，系辛苦得返嚟做到自己目标成绩嘅喊，系呢几个月一直自己努力坚持训练嘅喊，仲系估唔到自己生完 Sir face 后都可以做得到而喊，4秒我已经好满足，那怕只快1秒，都系比以前嘅自己进步了，好耐冇试过完走双脚可以抽筋抽得咁劲，我谂我真系用尽奶力去跑的了，做人最紧要有目标，所有嘅辛苦所有嘅酸痛都系值得。”完成比赛后她除了第一时晚打电话给老公洪永城报喜外，更决定多留两日继续行街买东西送给宝贝女儿“sir face”。