陈展鹏发力“箍煲” 林夏薇落闸： 最初系普通朋友

etin

由陈展鹏与林夏薇主演的《逆天奇案》4年前播出时获得收视，台前幕后昨午（16日）云集电视城，宣布续集正式开镜。上集交代二人情海翻波，今集更有方力申（小方）“介入”，展鹏自然要更加发力“箍煲”，不过薇薇受访即“落闸”说：“小方系新朋友，同展鹏开始只系普通朋友。”
​展鹏指今次查案及动作戏较多，故事更见悬疑，故追看性十足，薇薇即说：“佢喺厂得闲就会练腿，因为有啲重头打戏，而我就负责睇番上集温故知新。”问到何会与“情敌”小方“肉搏”，展鹏说：“唔会，佢仲协助我哋查案，打牙骹就有。”薇薇又透露自己与小方有“出埠戏”，但实际只会站在布幕前拍摄，后期用LED画面去制造特别效果，感觉特别。至于马国明会否客串演出，展鹏指不清楚实质安排，二人齐大卖关子。

另外，久违了的梁小冰突然现身，剧内她将伙拍丈夫陈嘉辉，客串演出其中一个单元。小冰坦言已26年未有帮无綫拍剧：“今次我饰演一个潦倒落魄又沧桑嘅黑帮中人，依家呢个造型最靓嘞，大家影多少少相，之后戏份我非常丑样，观众要有心理准备！（系咪一直有戏瘾？）如果唔撩我就冇乜嘢嘅，我咪日日煮饭啰，但今次剧本Send到嚟，剧情又非常感人，所以啲戏瘾就咁出番晒嚟。要归功于编审，佢讲古仔讲得好好，听佢讲完之后，我就答应咗。”
嘉辉角色暗恋小冰30年，他说：“难得可以同老婆一路拍拖一路拍戏，回味吓当年，一齐食开工饭盒都唔错。”谈到照顾儿子，小冰指对方已经16岁，可以“独留在家”：“佢都唔系好要我陪嘞，成日叫我去同爹哋拍拖。”至于《爱‧回家之开心速递》似曾“铺路”让她加入，她说：“我惊表错情呀，要人哋真系邀请我嘛，送上门食柠檬唔系几好。我觉得佢（陈嘉辉）喺戏入面嗰3个仔，真系超级靓仔，我都好恨，但都要问监制系咪想用我先。”