|
2018年郑嘉颖同陈凯琳拉埋天窗,前后诞下大仔郑承悦(Rafael)、二仔郑承亮(Yannick)及孻仔Carlos,而3个囝囝都全部继承晒爹哋同妈咪嘅优良基因,眼仔睩睩劲精灵外,加上精致小巧嘅五官更系迷晕一班网友外,深得一众艺人喜爱,甚至连近年转战内地发展嘅视帝黎耀祥(祥仔),都系近日趁住孻仔Carlos百日宴返香港庆祝。
前日(12日)郑嘉颖喺社交网晒出同视帝祥仔2家人合照嘅靓相,除咗有祥仔老婆“跟得夫人”梁耀莲(Julia)外,就连罕有出镜嘅仔仔黎正桥(Kirk)都有份出席饭敍,祥仔夫妇唔只嘟嘴锡爆Carlos,老婆Julia更全程抱实Carlos唔舍得放手,不过面对视帝夫妇热情送“肉嘴”嘅Carlos就一脸呆萌冇反应。
而面对劲可爱嘅Carlos,就连黎耀祥同郑嘉颖都失色不少,网友纷纷错重点激赞Carlos手脚胀卜卜好可爱外,稀疏到有如“地中海”嘅新发型亦成为网友关注。至于激罕露面的25岁黎正桥,不但高过爹哋半个头,连体形都相当健壮,企喺3个月大嘅Carlos隔篱简直系“最萌身高差”。 |
|