|
本帖最后由 etin 于 2023-5-16 09:46 编辑
艺人周丽淇于2018年忽然闪婚,嫁给内地演员傅浤鸣,并于2020年诞下一子。怀孕期间一直保持低调嘅佢,近日拍片重提佗B难忘事,自爆原来怀孕初期曾经作小产,难怪当时急急停工安胎,并对BB嘅事封口不提,相信系“怕小器”!佢忆述当时并不知自己怀孕:“当我知道自己怀孕嘅时候,其实已经过咗两个月,我好惊因为嗰时我仲拍紧嘢,咁点解我唔知呢?因为我本身仲有Period(月经),但又Check到真系有,因为呢啲叫作小产,因为唔系好稳定,所以有啲出血,我唔知仲以为系Period。”
佢续指得知有BB首两个月即全心安胎,当时因担心BB安全而心情非常低落:“嗰阵要打一啲学术性嘅嘢,我哋叫安胎针,叫我唔好郁,瞓喺张床度,依家未正式踏入怀孕稳定,呢两个月我觉得系人生最彷徨,因为冇嘢可以做到,只能靠佢自己生唔生长到。”幸好最后BB稳定成长,但佢仍打醒十二分精神,一改活泼个性,又保持均衡饮食,直至怀孕6个月时出现便秘问题,佢即向同期怀孕嘅杨茜尧求救,试食麒麟果后即有改善。 |
|