谢霆锋雪地野餐 被滑雪镜出卖王菲疑同行

etin

“滑雪狂迷”谢霆锋日前趁新年假期去滑雪，更拍片大晒高超滑雪技术，相当有型。前日（24日）大年初三“赤口”，霆锋又再次上载近照，不过佢今次佢就唔系滑雪，而系除低护目镜，坐喺雪地上野餐。见霆锋准备咗份巨型三文治同薯条，大啖大啖咁食，睇见都觉得Yummy！佢仲喺贴文写到：“赤口我吃东西好了！”

而网民见相后都话佢食嘢个样成个细路仔咁，留言话：“好可爱”、“霆锋是否滑到太肚饿”、“雪地野餐太有型”、“想吃霆锋整的三文治”。另有眼利网友，从霆锋头上护目镜的反光倒映发现，他与同行4位友人结伴滑雪，当中更有疑似王菲身影出现，坐在雪地落力为霆锋揸机拍照，做廿四孝女友！