江嘉敏自爆有追求者 首公开2大择偶条件

etin

江嘉敏兔年驿马星动，下月会跟薛家燕到马来西亚登台，实行发个新年财。至于爱情，她坦言现有追求者，但要了解一下先，至于择偶要求，最紧要有上进心及聪明。

江嘉敏去年各方面都发展得相当不错，以前一直以拍剧为主，但今年她都有参与综艺主持，坦言监制指她转数够快，她说：“其实做主持都好玩嘅，但压力一定大过拍剧，拍剧可以一早预备，但做主持要靠临场发挥，好考急才。”讲到拍电影，嘉敏表示都渴望有机会一试，她说：“想呀！入咗TVB后有拍过《使徒行者》，最好有多啲新尝试，拍下广告、电影，（想同咩对手合作？）之前我都有同张继聪联络，我哋4年前一齐拍过剧集《跨世代》，都有啲挂住佢，佢系一个好好嘅前辈，以前拍剧嗰阵，大家成日倾偈，我都有同佢讲希望可以再合作。”

​嘉敏之前与拍拖多年的男朋友分手，但整个人似乎比之前更开心，她说：“好多朋友都咁讲，可能focus自己多啲，有另一半始终多咗嘢兼顾，我依家做多咗运动，由细到大自己都体弱多病，希望可以健康啲。”说到之前不时收花，似乎有不少追求者，她甜笑直认不讳：“有唔同嘅人追，自己咪当识吓朋友啰！大家相处吓先，（对男友有咩要求？）冇特别谂，不过一定要有上进心，唔可以系一个懒惰嘅人，同埋我要搵聪明啲嘅！自己已经够蠢，如果畀人厄都有人帮到我。”问她会否选择圈中人时，她大爆几年前都曾经有圈内人追求她，她说：“都系做嘢嗰阵认识嘅，对方唔系TVB嘅艺人，不过大家唔使担心我，我一直都有追求者嘅！”

现时播映的贺岁剧《黄金万両》开工时正值夏天，当薛家燕都顶得住之时，第一个中暑的居然是嘉敏，她笑言：“嗰阵个个都走嚟帮我，家燕姐帮我抹汗，麦美恩同朱智贤就夹手夹脚扶我去有冷气嘅地方。”她又透露下月会出埠登台，亦是她人生第一次到马来西亚，“我哋跟家燕姐去云顶，仲会唱剧中首新歌，大家仲要排舞，我已经谂住去到疯狂食嘢，第一次去冇理由唔食呀！”