戴祖仪趁新年上载搞笑新春图被圈中好友轮流串

etin

新正头人人希望开开心心笑口常开，平日经常大放笑弹嘅艺人戴祖仪，亦趁大年初一加码轰一轰大家，佢喺社交网上载相片留言：“见到此图都系有缘人，祝各位有缘人新年快乐，兔年行好运，点赞行大运，戴金祖仪好运来，财源滚滚来，人人笑呵呵，呵呵呵呵呵呵呵呵呵呵呵呵。”

平时靓靓女女嘅佢放低偶包，将自己唔同表情嘅大头相，贴喺一张金色背景嘅图上面，净系睇相都笑爆咀，多位有缘人亦毫不吝啬纷纷点赞期望行大运，圈中有缘人蒋家旻就留言：“我真系笑口常开”、何浩文亦留言：“大佬呀新年流流”，洪永城即附和何浩文：“咪系啰，又未到盂兰节”，亦有粉丝笑佢呢张系长辈图，睇嚟戴金祖仪今次嘅人人笑呵呵行动相当成功喎。