高海宁笑老窦心急买桃花畀佢 萧正楠生兔仔计划随缘

etin

艺人高海宁（高Ling）与萧正楠（21晚）一同参与《开心无敌奖门人》的贺年特备节目。高Ling对终于能通关表示相当高兴：“我姑丈喺深圳做嘢，年几冇返过嚟，依家终于可以同姑姐团聚，我自己去南京探婆婆都方便好多唔使再隔离。（多咗机会北上工作？）有机会都会返去，睇公司安排，嚟紧几个月会喺香港拍剧。”问到新年有否买桃花催谷爱情运？她笑言爸爸似乎比她更心急：“老窦买咗桃花畀我，仲话‘特登拣㗎，呢棵会开花㗎！’佢话拣咗好耐，哈哈！（自己唔心急？）其实有啲嘢冇得勉强，但要嚟嘅时候又挡唔住，睇佢几时嚟啰。（嚟咗你唔知？）咁唔该嗰啲嚟嘅人主动多少少啦，哈哈！其实真系嚟嘅都唔会抗拒，因为都要结婚生仔嘛。”她表示最重要两人相处舒服及可以好好沟通：“话晒都相处一世。”又笑言被封圈中“金牌媒人”的林盛斌多次主动介绍优质笋盘给她：“佢电话入面有好多单身男士嘅相，系咁问我得唔得，可以约新年上佢屋企食饭，哈哈！”

至于年三十晚抛下太太黄翠如到澳门倒数的萧正楠，表示因工作没有办法：“最初都想叫老婆一齐嚟，但可惜已经齐人，有提早一日同屋企人团年。”另谈到组合农夫的新歌歌词中提及想知道黄翠如为何最后会拣萧正楠？他笑谓：“呢个系10万个为甚么，（你自己都唔明？）我都觉得系，点解呢？有时有啲嘢冇得解㗎，不过都多谢佢哋去到内地都提住我哋两夫妻，开心嘅！”早前与伍仲衡及区永权一起开骚的他，被问到会否勾起歌瘾？他透露会筹备Part 2，更希望能办成巡唱：“其实上次用咗好多心机，如果只系做一次有啲可惜，依家所有场地都开返晒，今日个场都可以坐二千人，所以我特登嚟探下路先。”他指早前办演唱会和做宣传已很忙，故新年节目已交给太太安排，亦透露稍后会跟她到马来西亚探亲友，问到可以有计划生兔仔？他则表示随缘。