甄子丹密谋减产 求打得之人接班

etin

“宇宙最强”甄子丹肖兔，但性格洋化的他不担心本命年犯太岁，深信人定胜天。对于来年的工作展望，他坦言已计划淡出，希望日后多花时间在幕后创作，同时慨叹暂时未找到适合的接班人。踏入本命年，子丹大笔一挥画兔，祝《东方日报》读者兔气扬眉、生龙活虎，见他笔力遒劲，尽显大侠风范！按照中国传统，本命年犯太岁的他凡事要小心，他却淡然表示：“我喺外国长大，本身性格都洋化，冇乜所谓啦！试过身边啲朋友叫我去摄太岁，有时会跟埋去求个安心。”

子丹坦言不信命，只看重个人努力：“最紧要活得精彩，人生总有冲击及困难，系睇你点样面对。（冇嘢难到你？）就算有难题，都应该想办法解决，做人就系咁㗎啦！”他一直抱着开心的心态过活，感恩自己已比很多人幸运，问到“登六”会否大事庆祝或广宴亲朋？他说：“其实我好锺意匿埋喺屋企，唔想搞生日派对。好多年生日我都喺片场度过，有时制片会推个蛋糕出嚟帮我庆祝吓，但太太锺意热闹，佢系个开心快乐人，我都受到佢感染，到时谂吓点先啦。”

谈到兔年展望，子丹表示手头上有数个荷里活剧本正在拣选，又突然谈及减产大计：“唔想主演太多戏喇，要演都要搵啲有挑战性、燃得起我团火嘅故事，最多三部、两部啦！其实随住年纪愈嚟愈成熟，我反而觉得自己创作思维去到高峰，幕后工作我不嬲都好锺意同享受，匿喺间房剪片系我嘅乐趣，呢方面我好愿意将自己嘅经验攞出嚟分享。（即系选择淡出幕前？）太阳一定会有落山嘅一日，我50岁时同太太讲55岁唔拍喇，依家就嚟60都仲有几个剧本喺手，即系话最快都仲有几年时间啰！”

无可否认，子丹多年前已希望栽培接班人，惟至今依然未找到合适人选：“每个人嘅路都唔同，入得行一定要好爱（功夫）先得，又唔系我自己嘅仔女，点肉紧去教都冇用。拍打戏睇落好刺激，但佢哋冇亲身经历过片场生活，我哋开工唔系人，只系部机器，好辛苦，啲父母送仔女去学功夫，都可能只当系课外活动。（咁囝囝济嘉呢？）佢系身手唔错，但比较喜欢音乐，我唔会逼佢，好彩甄家班都培育咗几个得意门生，包括谷垣健治及严华等。今次我话拍《天龙八部之乔峰传》真系一呼百应，个个放低手头上工作，返嚟帮我开工。”

甄家有女初长成，刚过19岁生日的济如身形高挑兼能歌善舞，一直被指是有条件入行的星二代，不过子丹暂时仍未开绿灯让女儿入行承继衣钵：“一直都有公司想签佢。佢识得自己写歌、编曲，唱得同跳得，不过都系想佢学业为重先，其他嘢顺其自然啦。”至于新年愿望，他希望今年经济蓬勃，让香港市民安居乐业、市道复苏。已多年未有在港度岁的他，今年难得留港，并透露：“我真系好享受家庭生活，唔太喜欢出街，过年都系去同外母拜吓年、食吓团年饭咁。”另外，《天龙八部之乔峰传》日前在新加坡及马来西亚等地开画，旋即传来好消息，票房甚佳，撼赢不少对手。不少观众都大赞电影拍出独特风格，尤其结局将影片所有谜团逐一解开，故事铺排做得非常出色！