陈凯琳炮制爱心早餐 竟令郑嘉颖无辜被批“唔合格”

etin

前港姐冠军陈凯琳（Grace）早前为老公郑嘉颖诞下第三胎儿子，现正坐月嘅佢依然活跃社交网，不时上载新片，日前佢PO出一段煮早餐嘅片段，片中见佢仍挺住巨肚，相信拍片时仲系佗B阶段，见佢亲自下厨，用乳酪、水果、多士及脆片等组合成丰盛早餐，更特意用玩具火车摆盘，营造回转早餐嘅效果，吸引小朋友进食劲有心思，连老公郑嘉颖见到都大赞有创意。不过竟有网民指Grace大住肚，郑嘉颖都唔帮老婆整早餐，质疑佢唔系合格嘅老公，其他网友即护航，指Grace只系简单切下水果，根本不用小题大做，而且相信平日Grace定必有工人帮手，笑指不用太紧张。