夫妻档新剧终煞科！陈茵媺陈豪竟讲明唔再合作？

etin

艺人陈茵媺（Aimee）早前复出拍剧，与老公陈豪夫妻档合作《罗密欧与祝英台》，期间更不幸“中招”，几经辛苦剧集（16日）终于煞科，Aimee于社交网大晒拍煞科戏嘅花絮片段，见佢同陈豪头贴头合影，陈豪即露出冧爆笑容，相当甜蜜，佢哋又同监制及剧组人员齐齐开香槟庆祝，充满气氛，Aimee又留言大表不舍：“真的好唔舍得大家！ 爱死你们！”不过佢哋接受无綫娱乐新闻台访问时，就表明唔太愿意再夫妻档合作，陈豪表示：“我哋想法冇改变过，站喺演员同观众角度，我哋都系抗拒呢件事。

​虽然今次监制知道我哋嘅想法，特别设计个角色，唔会太过（甜蜜），唔系嗰样嘢，但如果再经常合作，我惊破坏咗观众嘅幻想。作为演员，我觉得Aimee系难得嘅好演员，之后点发展应该交番畀佢话事。”Aimee则坦言复出拍剧后愈拍愈顺，现时戏瘾大发，但儿子却非常反对：“我大仔好唔锺意我拍，佢仲教我返到公司特登做差啲，炒我鱿鱼就唔使返工，可以留喺屋企陪佢哋。”