平反黑面风波 钟嘉欣加国Nice爆厕所合照都OK

etin

艺人钟嘉欣去年深陷“黑面”风波，有网民指要求同佢影相时，钟嘉欣拒绝对方，又有“旧街坊”称佢成日黑面、拧歪面、啧啧声等，疑被网民恶意抹黑。不过近日有网民指偶遇喺加拿大温哥华定居嘅佢，当日佢一家五口现身购买滑雪装备嘅店铺，大赞佢亲民贴地，笑住同佢say hi之馀，皮肤又亮又白，同电视上嘅佢零分别。该网民指自己唔想打扰钟嘉欣，虽然只系遥远拍摄女神侧面，但其他网民依然大赞钟嘉欣360度无死角。​今次网民巧遇完钟嘉欣，随即引嚟多位加国“街坊”现身，话成日都见到钟嘉欣每日推BB车，亲自接送仔女返学，亦有人为佢平反，指佢真人相当友善，就连去商场厕所撞见佢都可以合照，当时佢仲无视经理人唔同意添。