家有3只“狗明星” 陈滢带仔开工：想佢哋见吓世面！

etin

艺人陈滢家有3只小可爱，包括“大佬”Diesel、“二哥”Baymax及“细佬”Kumo。由于“妈咪”职业的关系，3只狗都先后参与过电视演出，名副其实当上“狗明星”，例如Diesel曾参演《爱美丽狂想曲》、Baymax曾于《美丽战场》亮相。谈到“带仔开工”，陈滢说：“因为想多啲时间相处，又想佢哋见吓世面。每次佢哋都好听话，如果需要用得上小狗拍嘢，自己嘅狗一定最听话。”

回顾当初与Diesel的相遇，陈滢坦言：“佢陪我由中学上到大学，再由加拿大转返嚟香港发展，无论高低佢都喺我身边。本来我屋企系唔畀养狗嘅，点知有次家人出咗埠，家姐拎咗只狗返嚟，我觉得冇理由佢得我唔得，3日后就先斩后奏，自行喺宠物店带咗Diesel返屋企。（冇畀人闹？）有！不过后嚟我感染咗屋企人，依家我妈咪自己都有养只嘞。”

Diesel“感情丰富”，难怪深得“妈咪”欢心！陈滢透露：“带佢移居返嚟香港嗰转飞机最惊，惊佢食唔到嘢、瞓唔到觉，落机见番佢嗰一刻真系一世难忘，佢喺度不停摆尾，当时我个心先定番落嚟。刚返香港时我出去工作，佢就喺屋企发出哀鸣声音，搞到畀人投诉，依家我每次攞行李箱出嚟，佢就知道有排见唔到我，即刻匿入箱里面。”她又指Kumo加入前，Diesel与Baymax因为年纪关系，曾在家当上了大懒虫：“唔系好郁，搞到我都好少同佢哋互动，但自从细佬返嚟，搞到两个大佬活跃咗好多，带畀我哋屋企好多欢乐。”