王君馨钟舒漫舞爆西九 盼为舞者增设奖项

etin

热爱舞蹈的艺人王君馨（Grace）早前和锺舒漫（Sherman）、黎美言（Winkie）、卫诗（Jill）及吴嘉禧（Cheronna），在西九文化区举行的大型户外舞蹈表演《Figure OUCH!》中，联同17位来自不同派别与舞种的导师与学员，一起施展浑身解数，上演多场精彩的联乘表演。全场气氛high爆如大型跳舞派对，期间Sherman、Winkie、Grace、Jill及Cheronna 5人全以黑色舞服上阵并狂跳220秒掀起高潮。

​骚后难掩兴奋的Cheronna，笑言等上台时，多次忍不住冲出台边欣赏：“原本应该乖乖地mark舞等表演，但系真系忍唔住，嚟紧我都会出歌，虽然唔关跳舞事，但系真系好想造跳舞歌，心好痒。”久未在台上跳舞的Jill说：“真系耐到我都唔记得，但系好挂住呢个感觉，希望香港多啲呢类dance show。”Winkie则说这次演出，令她们找回自己：“有时做娱乐圈，人哋叫你做咩就做咩，今次令我哋搵返个初心，做返最pure嘅自己。”

5人更异口同声说希望乐坛颁奖礼能设立排舞师奖，以鼓励一众付出无限的舞者，Grace说：“舞者有时冇演员、歌手咁被尊重，好似净系企喺侧边咁，但如果冇咗排舞师，大家睇开嘅跳舞MV出嚟嘅效果就冇咁好睇。既然曲词编监都有奖，其实好多演出同MV，排舞师都有好大功劳，外国都有好多关于跳舞嘅奖项，希望香港都可以有，相信对舞者系好大嘅鼓励。”另外，舞者Lambo感谢大会提供演出机会，更说如乐坛颁奖礼增添跳舞奖，必定带来莫大的鼓舞，更希望能为舞者们成立工会：“一个人嘅力量好有限，有时都唔知同边个fight，如果大家有同一个目标做就好。”另一舞者阿业表示希望本地舞者的地位有所改变：“始终我哋嘅话语权好低，有时反映咗都唔会被放喺好前去考虑，觉得‘都系dancer啫’，甚至有啲dancer自己都觉得系咁。”