陈茵媺确诊日日收陈豪爱心餐 网友揭一谜思

etin

艺人陈豪（阿Mo）太太陈茵媺月中确诊新冠病毒，因而被隔离一段时间，依家已经好番晒嘅佢，今次佢就遵从佢一向嘅拍片作风，为今次隔离记录日常，不过就唔系佢嘅隔离日常，而系拍低一日三餐开门收由老公陈豪亲自送上门嘅爱心饭盒及饮品，真系睇到恨死旁人！

只见陈茵媺影住自已多次由开门到见到门口嘅餐袋，再到佢pan去𨋢口，影住戴上口罩嘅陈豪就企定定等同太太挥手say hi同bye，似乎一日三餐都系陈豪亲自“蜜蜜送”，认真sweet爆。虽然佢哋主力放闪晒恩爱，不过网友就发觉片中虽然见到陈茵媺开门、闩门好多次，不过似乎陈豪着嚟着去都系得一、两套衫，最多都系戴多顶帽，并纷纷推测高度防疫嘅佢，唔知系咪怕黐病毒上衣物，所以次次送餐都系同一套“制服”，免得件件衫都有菌。