何广沛大胆食虫：总之唔系好味！

etin

艺人何广沛昨日（30日）出席无綫饮食节目《做节必食18道菜》记者会，他是其中一集的嘉宾，他透露虽然事前有告知工作人员自己有甚么东西不吃，但菜色却出乎其意料之外：“我讲咗我唔食榴梿，咁当日系冇榴梿，但就要食虫，我以为新年都系食萝卜糕呢类开心嘢，但估唔到虫都系开心嘢，亦冇谂过事前要讲唔食虫，我学识下次要讲唔食榴梿同虫。”他笑言大家拍摄时犹豫了10分钟才把虫放入口，连工作人员都催他们快点吃才能收工，问到味道如何？他说：“啲虫炸到好脆，我食咗一条，觉得冇乜味，但其他人话有虫味，我之后食咗两三条，系有啲味，总之唔系好味。（蛋白质好丰富？）我可以喺其他食物摄取蛋白质，试一次就够，唔想再经历。”提到（31日）除夕，何广沛称原本约了一班朋友庆祝，但不幸地很多朋友都染了新冠病毒：“我可能会留喺屋企过，我虽然已经中过一次，但都担心再中，因为好多朋友都系第二、第三次中，我唔想再中招，影响过年气氛，所以都会小心啲。”