江美仪交足101分 “角色奖”志在必得

etin

江美仪加盟TVB 12年，早前于话题作《下流上车族》与林敏骢合演夫妻，剧集故事贴地，深得观众喜爱，收视亦高企，故她能杀入竞逐下月初举行的《万千星辉颁奖典礼2022》“最佳女主角”绝对意料之内，同时她亦有份角逐“最受欢迎电视女角色”及“最受欢迎电视拍档”。

今次演女一，江美仪瞓身博到尽，除了重现“黑丝”经典，还豁出去演绎穿胸围戏份，当时观众赞年过50的她身形弗爆，她表示：“编剧话好挂住对黑丝，自己Keep到咪去做啰！（净系着Bra？）都系剧情需要！”她表示今次是第3次角逐视后，问到可有信心？她说：“可能‘角色’比较有机会，因为观众真系锺意，个收视已经话咗畀你哋知。（拉票？）好多谢身边朋友，个个截晒图畀我睇。”

讲到视后，美仪认为同剧的鲍起静才是顶头大热：“鲍姐系影后，能够同影后相提并论，对我嚟讲已经系荣幸、赢咗！”她指观赏对方于该剧的多层次演出，绝对是一流的教材，并说：“我哋系亚视之友，97年已经识，佢真系睇住我大，剧入面同佢演嘅感情戏系真嘅。（你哋系对手？）我哋系联盟。（双视后？）咁又嚣咗啲，最受欢迎角色都好呀，当然两个一齐攞咩都好。”谈到被公认为实力派，她即笑说：“我成日同阿骢讲唔公平，佢系咁易滴一滴眼泪就铺天盖地赞佢好戏，但系我滴眼泪就系应该嘅，即系观众对你有一定嘅要求，所以每次拍戏我就想升level，每套剧都系尽我最大嘅努力，畀101分去做好嘅角色。”