马国明汤洛雯预演婚后生活 爱巢曝光好客开P

etin

艺人马国明自从表明有意明年同女友汤洛雯结婚后，佢哋依家愈嚟愈高调，更喺社交网经常公开合照放闪，摆明唔再介意畀大家知道佢哋日日黐到实，小情侣日常亦公开任人睇，就好似早几日佢哋孖住同好友黄嘉乐庆生，头贴头合照无遮无掩，估唔到依家佢哋连喺爱巢开圣诞P都唔再怕畀人知，由亲自汤洛雯晒出大合照，令私窦曝光！见佢哋全屋布置晒圣诞装饰，仪式感够晒重，两大主角依偎冧笑，心情靓爆，同场仲有女神蔡思贝。汤洛雯又留言：“今年最后一个圣诞派对完成。”似乎佢哋合体做主人家嘅场合都愈嚟愈多，似足预演婚后生活，So sweet！