陈山聪入围视帝十强约友人还神 刘佩玥郭柏妍落力拉票

etin

​艺人陈山聪、刘佩玥、郭柏妍及江美仪等，昨日现身电视城，为台庆颁奖礼入围十强拉票。对于有报道指山聪有高人指点催运，日前出席活动时双手在戴上 水晶及佛珠，他澄清谓：“每年去到呢个时候，都总有呢啲新闻，众所周知我好喜欢饰物嘅，其实真系有高人指点嘅话，我希望中六合彩先啦，我要帮个仔交学费。”谈到今年成为视帝大热，山聪连声多谢：“真系好感恩，去到最后十强大家都好有实力，仲有好多位系我嘅前辈，包括郭晋安同马国明等等，佢哋嘅戏有目共睹，能够同佢哋一齐落场“比赛”，系一件非常开心嘅事。无论点样都好，将自己嘅力跑埋呢场赛事，已经去到最后800米入直路嘞，当晚我都系想平常心enjoy the show。”

山聪笑言以往即使明知自己陪跑，去到现场心情亦相当紧张：“2019年我坐喺马国明隔离，宣布嗰刻我戥佢紧张兼高兴，所以1月8号颁奖礼，无论边个攞都系件值得开心嘅事。（今年你系咪应该要谂定感谢词？）每年都应该要谂嘅，希望始终有一日系自己，有啲人我亦都特别想多谢。（最想多谢边个？ ）依家唔讲住，希望1月8号你有机会听到我讲。”另外，山聪日前相约友人还神，他表示：“每年都会出海搭船去还神，大家好似去旅行一样。今年年头我许嘅愿，好似多啲剧推出、小朋友身体健康咁，结果都如愿。”

艺人刘佩玥（Moon）对于今年破天荒共有四项提名，包括“飞跃进步女艺人”及视后，Moon表现兴奋：“已经觉得好荣幸同开心，尤其视后竞争好强，多谢公司俾个咁大嘅鼓舞我，觉得已经好满足及感恩。”她坦言对“飞跃进步”信心满满：“今年喺《美丽战场》及《超能使者》嘅演出，大家都见到不一样嘅刘佩玥，而呢个奖我都入围咗好多次。（论资排辈轮到妳？）年资嘅话都OK，哈哈！今年系我入行第9年嘞，觉得今出次机会好大，咁我不嬲对自己嘅演出好有信心，会尽力做好演员本分。”

Moon又指近日出席派对等场合，都会落力为自己拉票：“觉得今次有几个提名，点都要为自己做返啲嘢。今仹真系想攞吓奖，因为台庆55周年，特别有意义，而且大家嘅反应令我有信心。（准备咗战衣？）未，有好多唔同嘅选择，我谂紧咁我就颜色及性感程度。”

至于郭柏妍凭《下流上车族》人气急升，至今走在街上依然被叫“车芊芊”（角色名字），而戏中妈妈江美仪亦对她信心十足，不过她坦言较之个人奖项，自己希望该剧夺得“最佳剧集”，又反过来指睇好江美仪得视后：“佢攞过“最佳女配角”，好想集齐一套，希望佢再下一城。”谈到“处女下海”拍摄《我和僵尸有个约会》电影版《驱魔龙族马小玲》，却出师不利因种种原因停工，她坦言：“我嗰part就拍完，自己对制作人陈十三嘅出品好有信心，相信唔使几耐，成部戏就可以完成，同大家见面，同埋今次我真系学到好多嘢。”