陈奕迅被粉丝诚意打动 “卖大包”破例清唱《浮夸》

etin

陈奕迅（Eason）的“Fear and Dreams”演唱会进入14场，之前因平安夜、圣诞节，现场粉丝久久不肯离场要求安歌，而26号Boxing Day夜，他在Talk位时，终被粉丝热情打动，即场清唱《浮夸》。

Eason准备“吹水”时，在台先把喷过消毒剂的纸巾送给粉丝，见他跑来跑去就有人大叫着他小心，Eason就笑道：“我会㗎啦，个台好贵㗎，所有嘅嘢都贵过我呀，除咗我把声之外...哈哈哈。”他又问粉丝：“ 我真系好好奇，系第3只歌，点解你哋要叫我名，我好想知。”粉丝大叫： “挂住你呀”他冧说：“我知啦，你哋有礼貌、有家教，所以你哋叫 Eason...唔系叫呀喂！哈哈。讲到我个名，真系要多谢我父母改呢个名畀我，畀啲掌声我父母！虽然佢哋未必喺度。妈咪寻晚有嚟， Dance Medley佢跳咗好耐，我妈好易认，佢戴住墨镜跳舞，佢话啲灯好掁眼， 哈哈哈.....”又跟粉丝谓：“你话你睇 25场，咁你听晚戴黑超啰....等我睇吓你会唔会畀人笑...哈哈。作为陈奕迅Fans系唔会惊畀人笑！我仲惊冇人笑我添！你即管笑！My God！ It's full of stars！”语毕时，全场再报上欢呼及拍掌声。

Eason以过来人身份鼓励粉丝：“好似跳舞咁，你哋都得㗎，我排舞时同Dancers 跳 ，佢哋叫我做啲动作，我觉得自己好核突，哈哈，所以我排舞唔望镜㗎，从来唔知自己跳成点，只脚又粗、额头又阔，哈哈哈...但系既然我都做得，我鼓励大家，一齐同我跳！记住！做任何事最紧要系有态度！记住！ 唔好唔型、唔好畀韩国人型晒先得㗎！”

他又提及唱《浮夸》时的样子，随即摆出目瞪口呆样，粉丝大叫“唱浮夸！唱浮夸！”声震裂红馆，Eason笑说：“要有态度！但都系要低调...低调...哈哈。唱浮夸？条片系网上呀，随时上去睇啦。又推却....唔得啦，我老啦。”不过粉丝誓不休不断大叫，他搞笑说：“其实我唱得好差呀，其实我‘咪嘴’㗎成个骚....”观众却并没有放过他，继续狂叫，最终被打动到，他首肯说：“好啦，好啦....老实讲佢哋（乐队）冇练㗎...有冇我只CD呀？播出来畀我‘对嘴’啦，哈哈哈.... 算啦，既然你哋咁想听，唉，Christmas Special 唱几句啦…听日冇啦吓，你班友！但系我依家唔唱，听日点交待？个个拿住部电话喺度拍，一阵又话我唱错，我听日又畀人话啦，死啦，点交待！哈哈哈。”他在乐队用琴伴奏下献唱了一小段《浮夸》。

来到安歌环节，Eason拣了《还有甚么可以送给你》，粉丝又再“赖皮”不肯离场，叫喊了15分钟之后，他再度出场送多首《沙龙》，同时宣布27号晚休息，而28号则不再是圣诞节，个唱回复正轨。是晚捧场嘉宾有周秀娜、193及肥仔等，肥仔表现得非常投入，于快歌环节，跟住Eason舞步狂跳，几乎即场已经学晓Eason的《重口味》及《打得火热》所有舞步！而193就担心身高会阻碍身后粉丝的视线，所以只在位上摇摆身体，相当体谅别人。