高海宁自爆曾压力爆煲 受情绪困扰惊现轻生念头

etin

无綫花旦高海宁近日亮相杨诗敏（虾头）和连诗雅（Shiga）主持的网上节目《丝打围炉》，自爆有情绪问题，甚至曾有轻生念头！入行时因好身材备受关注嘅佢，坦言因而产生咗好多无中生有嘅负面报道，令佢饱受压力：“嗰时有啲杂志写我烂蒲、成日出去玩，沟仔...我又唔出街，又唔蒲，后尾啲记者同我讲返，‘唔好意思写咗你，因为写你啲书卖得好呀，销量第一’，有冇考虑过我感受？一个女仔嘅声誉掌握喺你枝笔。”并指其实报道主角另有其人，但因“真嘅唔敢写”令佢“食死猫”，佢甚至曾因此决心“封胸”：“我好唔开心，有一段时间又封胸又剩，唔想大家focus喺我身材上面。”

除负面新闻外，卖命努力赚钱养家嘅佢亦因压力爆煲导致情绪出现问题：“我个世界崩溃咗，觉得冇人救到我。我不嬲好自爱，细个读书好多同学会𠝹手，我觉得伤害自己好蠢...但有一下，我记得有一日，我同阿妈去supermarket买嘢等过马路，有架货车喺我面前飞快经过，我个脑pop咗一样嘢，如果行出去会点，嗰下下意识反应系向后退咗一步，跟住第二日去睇医生。”幸好有医生嘅协助，加上佢之后嘅一趟背包旅行，启发到佢何谓生活，价值观亦180度改变，学识爱惜自己，搵番自己嘅生活。