轻．功︱朱晨丽蒋祖曼献声 原来系唱得之人

etin

日前播出的一集无綫剧集《轻．功》令网民热议的，是蒋祖曼（Joman）和朱晨丽合唱《The Best is Yet to Come》，网民说想不到她们是唱得之人。Joman受访称今次是她首度在剧集献声：“本身唔识音乐，但系冇乜压力，因为我哋系入录音室录，知道唱得唔好可以唱多几次。同埋因为我唔系歌手，所以冇咩包袱，尽咗力就可以！咁啱我想学一样新技能，于是拍剧时我问陈豪意见，佢话唱歌系最基本一定要学，因为好多活动、表演都可能需要唱歌。”她续指与《The Best is Yet to Come》这首歌有渊源：“首歌系我人生第一部参演电影嘅主题曲，所以好有熟悉感，呢首歌陪伴咗我好多年，对我嚟讲意义重大。”

另外，在剧中与朱晨丽一时糖黐豆一时水沟油的Joman，说私底下相当老友：“朱朱系好独立、好犀利嘅女仔，佢自己一个喺香港生活，真系好佩服佢。同埋佢成日都好照顾我，有时祥哥（黎耀祥）万岁消夜，佢会提我打包个汤做早餐，佢系我入TVB后第一位女演员好朋友，佢对我嚟讲都系意义重大，就算完咗套剧我哋都有Keep住联络同约出嚟食饭。”剧集另一焦点，是声称因小产决意与“翊风”朱敏瀚分手的“Chloe”简淑儿，原来一直讲大话，不但没有小产，还于分手后立即与有钱仔“Benjamin”周志康结婚。朱敏瀚在简淑儿结婚当日更问她：“BB系边个嘅？”简淑儿在剧中的行为辣㷫不少网友，指她拜金、有公主病兼是大话精！