刘佩玥挑战陈滢 预告台庆颁奖礼战衣有惊喜

etin

艺人陈滢、刘佩玥（Moon）与陈晓华凭剧集《美丽战场》获昨晚（23日）获网络平台颁发“人气电视剧CP”奖，但陈晓华因忙于拍剧而未能到场，Moon笑言：“佢好想嚟，但冇办法，我哋叫叶导（叶念琛）唔好刺激佢，因为我哋好多饭敍，佢都嚟唔到，但佢嘅努力会有回报。”对于今次获CP奖，陈滢称心情矛盾：“我同《痞子殿下》有组合，《美丽战场》又有Moon同Bob（林盛斌）呢对CP，我哋都系大热，边个攞都戥佢开心。”问到是否已想好如何庆祝？她称要问导演，指最开心是对方，因为是由他一手创作：“我哋点都会屈佢请，原本9月有个船P，但因为疫情取消咗，希望再搞个劲啲。”Moon称现时天气寒冷只想到食，陈滢闻言叫对方不可以要求如此低：“可以要求去旅行㗎嘛！今年成绩咁好。（你话注资拍第二季？）我冇话注资几多钱，1蚊都可以，做个小股东。”

问到是否已拣好《万千星辉颁奖典礼》战衣？陈滢自言形象比较多，可以型格、可以可爱或者女人味，但现时未有方向，预计会以简单及浅色为主，Moon希望战衣可以带新鲜感给大家：“呢个可以话系最后一个大Party，想悉心打扮，我有谂过着绿色，或者唔系经常着嘅颜色，睇吓会唔会有惊喜，陈滢上年攞咗衣着奖，佢好引以为傲，我今年想挑战佢，希望着靓啲。”另外，陈滢与同场郭柏妍的服装八成相似，两人打扮似足Twins。

​歌手郑欣宜于颁奖礼中一口气夺得“本地女歌手”、“跳唱歌曲”以及“十大人气歌曲”三个奖项，她对获奖大感开心：“人气搜寻即系好多人留意、锺意我会搜寻我，最意想不到系得到跳唱奖，问心我跳唱唔系叻，但系好锺意，由去年到今年，我用咗好多心机时间去进步舞艺，我会加油去继续唱多啲歌。（惊唔惊今年攞奖攞到手软？）唔惊，有奖系开心，但我会以平常心去面对，唔好咁大压力，有奖当然唔怕拎，但就算冇奖我都准备咗做3月嘅骚同音乐。”她透露最近与歌迷会在渡海小轮上举办粉丝聚会，大家玩得好开心。另外，问到颁奖礼上可有遇到“老公”卢瀚霆（Anson Lo），她说：“当然有，相信佢都好挂住我，唔需要眼神、身体语言我都知道！（叫佢买演唱会飞支持你？）佢唔使买飞，佢入后台就得，因为佢系家属，哈哈！”