蒋怡演大奸角超满足 禁仔女捧场：惊佢哋觉得妈咪好恐怖！

etin

无綫剧《法证先锋Ｖ》结局篇Big Boss终于现身，就是与黄宗泽有感情綫的蒋怡（Coco）。Coco虽然好享受做大奸角，不过就禁止仔女捧场，怕仔女看后会觉得妈咪好恐怖。剧中演咖啡店老板娘的Coco，早前返回自己“地头”咖啡店受访，其身份贯穿法证V及之前几集的幕后黑手，令观众大跌眼镜：“初时大家见我同Bosco有少少感情戏，之后发生愈来愈多奇怪事，先会觉得我唔简单，原来系大奸角。”

她甚少演奸角，但觉得角色富挑战性及好玩，尤其是角色奸在内心，更有发挥：“其实佢内心好相信自己，活在自己世界嘅人，做任何嘢都系啱，佢做事方法，用正常人角度会觉得好恐怖。”所以她不会当自己是一个坏人去演，当正自己是邪教宗教领袖去说服信众。问到拍摄期间，屋企人有否感受她的杀气，她说：“屋企人不嬲都觉得我奸奸哋，所以唔可以畀小朋友睇呢套戏，如果唔系会惊，佢哋返学都要早瞓，所以无睇。”她爆老公翁狄森非常支持她做奸角，还经常同身边朋友说她很适合做杀手：“因为我对佢杀气好重，佢成日话我唔笑个样好恶，好得人惊，见我喺厨房成日拎刀斩嘢个样似足杀手，哈哈！”

提到与Bosco拍摄的亲热戏，只限锡额头，原本剧本写锡嘴、锡面或锡额头，Bosco坚持锡额头，认为这种高高在上的感觉，更似Big Boss：“佢话女仔锡男仔额头有特别意思，其实我唔觉，觉得怪怪哋，我哋高度差唔多，我要夹硬企高啲先锡到佢个额。”为了印上完美唇印在Bosco额头，结果连锡了十几次，笑言老公并不介意：“同老公讲做杀手就要咁！”