黄宗泽被苗侨伟“下令”推旧同学饭局：唔使咁恶啩？

etin

艺人苗侨伟（三哥）、黄宗泽（Bosco）、黄翠如及洪天明等，昨晚录影《开心无敌奖门人：终极篇》。艺人嘉宾多达20位，分4队以特色造型亮相，包括汤盈盈“假泳衣”，及陈山聪的睡衣Look等，场面相当热闹。​三哥与Bosco孖住受访，前者被问到早前折返加拿大陪家人，竟笑说：“边个话我返咗加拿大？我上咗火星。（返咗去成年？）差唔多啦。（复工未？）返咗嚟几日，第一个工作就系上奖门人啰。”Bosco则自爆：“三哥返嚟就快啲约食饭，但我约咗啲旧同学，约咗好耐先约到，佢竟然叫我推咗去，唔使咁恶啩？”三哥接口：“真系信佢（约咗同学）？”Bosco回应：“我有相为证，如果真系约咗女仔反而会推！我读书嘅时候系肥仔，边度有咁多初恋吖？”

谈到38年前其主演剧集《天师执位》近日重播，被翻出当年收视高达60点，三哥表示：“当年睇电视系大家唯一嘅娱乐，主题曲仲播到今时今日。我真系唔敢翻睇，好得人惊，但收到Bosco同我讲，我问佢做咩唔瞓睇‘粤语长片’。（你真系Keep得好好。）多谢，靠做运动。”Bosco接口说：“三嫂仲问我有冇拳击教练介绍。”三哥解释说：“打拳系想练吓啲反应啫。”另外，谈到奖门人游戏，三哥笑言：“冇输赢嘅，因为系打和。我啱啱喺外星返嚟，惊反应唔切。阵间啲湿身嘢，就留返畀黄翠如啲女仔负责，要帮助收视嘛。”