黄翠如不获萧正楠邀请演唱会献唱：可能唔想我样衰！

etin

艺人黄翠如现身录影《开心无敌奖门人：终极篇》。提到“三哥”苗侨伟受访时表示要将“湿身重任”、抢收视的责任交给她，翠如打趣话：“交畀我有啲困难喎，陈自瑶就大家都知啦，佢有冇着透透哋嘅衫？”她又指三哥终于返港“好感动”：“我一直跟住佢跑步，但佢唔喺香港就变懒惰，做运动系要坚持嘅，想变强壮，做人要健康啲。（想操弗造人？）我系想自己再健康啲啫，跑咗步身体好好多，好彩三嫂话就嚟复跑。”

​当问到跑步练气是否打算为丈夫萧正楠的演唱会助阵？翠如笑说：“我唱过啲歌畀佢听，佢话唔合格，哼咗几句《因为爱情》，但唔收货。（唔想妳上台表演？）可能都系为我好，唔想我样衰。”提到阿萧日前自爆不记得翠如当年曾经访问过自己，反而要翠如旧事重提才有印象，翠如笑言：“佢死硬啦！佢话唔记得，但又记得我出道拍过嘅广告喎，可能系佢睇中我先！”

而近年长期留守内地工作的洪天明，就获太太周家蔚及两名儿子到场打气支持。天明表示今次足足离港15个月，刚返港数天：“唔想来来回回隔离，好彩太太早前都有带埋两个仔，趁暑假来陪我。本来我可以早少少返嚟，点知自己确诊！”原来暑假时家蔚带囝囝们准备返内地，出发前小朋友突然确诊，最终全家感染，行程有延误，身在内地的天明当时亦很担心：“幸好太太确诊5日后就变返一条线，两个仔亦都冇乜事。其实我都有叫佢考虑吓带埋两个仔移居上海，方便我喺杭州工作，佢依家都考虑紧。如果嚟紧真系开关方便好多，咁佢哋就可以继续留返香港。”提到之前他返港，两个囝囝激动到喊，他有拍片纪录，天明笑说：“今次返嚟事前有话畀佢哋听，所以佢哋好开心。我会留到放完农历年假，应该会安排同家人去日本旅行，享受家庭乐。”