任达华爱女任晴佳18岁成人礼 打扮火辣骚10头身逆天比例

etin

任达华与名模琦琦嘅爱女任晴佳（Ella），遗传到父母嘅超强基因，自小已拥有逆天长腿，似足妈咪一样身形高挑，气质出众，令佢未出道已获不少品牌垂青，拍广告甚至登上时装骚舞台，前途无可限量！即将踏入18岁嘅佢，日前相约好友率先庆祝生日，佢喺社交网大晒一系列庆生靓相，并留言表示：“early birthday celebrations with my lovesss！（和我爱的人提早庆祝生日！）”

为咗迎接成人礼，Ella打扮亦成熟大胆得多，见佢以红色吊带连身短裙上阵，配埋长靴，大骚10头身嘅黄金比例，而且佢一头大波浪曲发，加上烈焰红唇，充满超模气场！而当晚佢更戴住妈妈品牌嘅天使造型颈链，相信Ella喺琦琦心目中同样系小天使般嘅存在。