庄锶敏亲揭“被离婚”爆喊：以为迁就会得到长远关系！

etin

艺人庄锶敏（Jacquelin）早前宣布跟结婚两年多的台湾老公离婚，日前接受专访剖白箇中感受，她指最难过的时刻，是今年10月份拍摄《状王之王》之际，因双方关系突起变化，幸得同剧演员陪伴及开解，令她渡过难关。

Jacquelin透露是应对方暗示而提出离婚，她举例说：“佢会提出一啲我做唔到嘅要求，例如叫我去台湾住，加上相处同沟通时，佢变得好冷淡以及容易发脾气，倾偈时感觉到有问题，我就问佢系咪想（离婚）。”至于有否想过飞去台湾找对方以挽回婚姻？她无奈说：“我有提出不如我过去台湾同佢倾吓，大家面对面讨论，但对方话唔需要，叫我唔使过嚟，佢都话唔使，如果我夹硬过去，咁我会唔会见到我唔想见嘅嘢架！”

对于这段婚姻，Jacquelin直言有尽力过，亦有付出过：“之前未封关我飞咗40次台湾，连入境处都问我做乜飞到咁密，只系2021年台湾唔接受任何入境申请，到2022年开番，我即时申请过去。”讲到当初结婚，她否认为结婚而结婚，但承认决定是有点仓卒，说时不禁拭泪：“当时以为靠迁就，就可以得到长远关系，我太相信佢一开始嘅承诺。（有咩领悟？）应该要相处耐啲先决定结唔结婚，两个人要理念一致，唔可以为迁就对方而唔坦诚讲出自己想法。”她坦言今次经历当上了一课，但不会为此而后悔。

经过婚姻失败，Jacquelin不讳言对异地恋怕怕，若有得拣，绝不会再选异地恋，但想做妈咪的心态却不变：“依家谂系咪要雪卵。（依家雪系咪太迟？）咁算啦，我可以领养，小朋友唔一定要自己生，就算唔系亲生，但由你去养育对方，都可以好锡。”