就是青春︱洪韵骐看淡同炎明熹比较：冇得介意

etin

HOY TV 选秀节目《就是青春》决赛昨晚（18日）于大埔亚视厂房举行，5强参赛者杀入最后直路，争夺比赛冠亚季宝座。5位参赛者先后经过与嘉宾合唱和独唱环节，再由专业评审评分加上网上投票后，最终“炎明熹劲敌”洪韵骐（Wincy）以大热姿态勇夺冠军并独得十万元奖金，亚军及季军得主分别是张鈊贻（VALC）及康志维（Edmond），至于“Uplive x 就是青春人气大奖”则由蔡嘉宝（Akina）夺得。

​赛后Wincy直言满意自己表现：“知道对手好劲，已经将自己百分之百发挥出嚟，无悔。”她指自己仍有不足之处，需要更多舞台经验、面对观众会紧张等，坦言比赛时非常紧张：“头先唔知笑唔笑、唔知讲唔讲嘢好，因为我讲嘢好差。（陈柏宇赛前睇好你喎！）好多谢佢，因为佢帮咗我好多，又拣咗我好锺意嘅《盛夏光年》同我合唱，我知佢唔系好熟首歌，但为咗我去练，出嚟效果都好好。”问到外间经常将她与炎明熹作比较，她坦言最初也颇为在意：“但明白最紧要享受舞台，如果因为其他因素影响今日表现会好唔抵，每一个舞台对我都好珍贵，所以做好自己最重要。（唔介意其他人继续将你哋比较？）都冇得介意，佢哋讲我都接受啰。”

而亚军VALC就表示要感谢自己：“一路以嚟喺呢个舞台试咗好多唔同嘅嘢，当然今日亦有不足，自己紧张程度好高，要再做好啲基本功。”至于季军Edmond对自己成积感满意，觉得对自己已有交代：“对于我哋呢啲素人嚟讲，可以同歌手合唱已经系好难得，可能自己太兴奋，合唱开头有少少甩漏，之后独唱《再不再见》个表现未系咁满意，因为首歌系唱畀我哋18个学员听，都忍唔住有啲感触。（平时都系易喊？）唔系，不过我系年纪比较大嘅参赛者，感觉好似睇住大家一齐成长、互相扶持，好多回忆嘅片段。”