萧正楠被笑“翠如翻身” 开骚爆入行辛酸史

etin

艺人萧正楠、区永权与伍仲衡下月初将举行音乐会。昨日（18日）3人现身上水，出席开骚前最后一次宣传活动，与粉丝近作近距离接触。阿萧感性表示：“好多谢一班粉丝，佢哋手抱咁大就支持我。我今年出道20年，即系佢哋20岁，有啲仲系我参加歌唱比赛嘅时候已经认识。”伍仲衡指音乐会上会诉说他们入行的辛酸，又打趣阿萧“鲤鱼翻身”，区永权即接口：“佢系翠如翻身！”搞到全场忍俊不禁。

受访时谈到“翠如翻身”，阿萧回应：“金句嚟喎，有新歌又有音乐会，系一个好好嘅纪念。（太太黄翠如话听你新歌《小小大人物》感触落泪喎。）我哋大家揽住一齐喊，依家仲有人帮我做歌喎，歌词又可以同爸爸讲番啲说话。（20年最大嘅得着系娶咗个老婆？）佢话当年我做歌手，佢有访问过我，不过我完全冇印象，不过佢依家Sharp爆啦。（以往好多辛酸？）OK嘅，同我同期入行嘅好多都冇做音乐，我仲企喺度喎，好开心嘅一件事。”