诸葛紫岐半放弃自家生意：唔系好想理！

etin

名媛诸葛紫岐昨晚（15日）出席晚宴，她表示已有一段时间未有参与大型晚宴：“好耐好耐好耐未出过嚟。（忙住照顾小朋友？）都有嘅，同埋忙住搞自己嘢，学画画同写毛笔字，系自己兴趣。”谈到之前自己创立的生意，她笑称：“执咗啦啩？”又坦言受疫情影响下没甚进展，已处于半放弃状态：“个心态系完全唔系好想理，都理唔到，摆喺度其实蚀紧钱不如唔好做啦，不过依家市道好番啲，嚟紧会睇有乜可以做吓。”

圣诞将至，她透露下星期将会一家人到北海道欢度佳节，元旦前会返回香港：“我感觉一半香港人都去咗北海道，同朋友倾开个个都话去北海道，哈哈，好耐冇出过去，返嚟会再考虑飞第二度，想返加拿大，因为可以带细仔滑雪，不过我谂佢都未得，应该系碌吓碌吓，玩吓雪啦。”她表示今次其实是疫情后第2次出埠，8月时曾以商务签证到日本外游：“嗰阵日本好静，商场都冇乜人，依家我估好多人，因为好多餐厅都Book唔到。”