周家怡生日开船P 孖同门为新快艇作下水礼

etin

上周六（23日）是英皇女星周家怡生日，老板杨受成为家怡举行生日船P，更Call埋热爱水上活动的同门师兄弟妹，包括关智斌（Kenny）、卫诗雅（Michelle）、陈国邦、曾乐彤、李靖筠（Gladys）、艾妮（Elly）、黎峻（Kenneth）、刘若宝（Polly）及郭思（Suey）齐齐为新快艇作“下水礼”。

家怡又获老板送上乳猪造型蛋糕，认真有心思，寿星女说：“昨日嘅船P大家玩得好开心，多谢大家陪我切蛋糕，好开心成为公司一分子，真系好似个大家庭，超级感动！仲有要多谢Kenny、Michelle同Gladys之前向老板表达咗锺意Wakesurf，老板就二话不说买咗一只专业比赛用嘅Wakesurf船畀我哋玩，真系超级好老板，咁样嘅老板去边度搵！”问到生日愿望，家怡就说：“当然系疫情快啲过去，大家都健康平安，工作顺利！”

Kenny表示老板为他们买船绝对喜出望外：“冇谂到因为我哋一句话锺意玩Wakesurf，唔够一个礼拜，佢就话畀我哋听买咗架新船，仲要系Full Option，即系最高规格要嚟比赛嘅船，好感动。老板仲话你哋开心嘅话，啲钱就使得好值。”在众人当中，Kenny技术最强，当日他除了负责买板、买Gear，上到船更充当教练，负责指导师弟师妹：“佢哋都好有天分，特别系Michelle都帮我做埋助教。”不过Michelle就谦称自己唔叻：“Kenny先系我哋嘅师傅，我之后负责揸船，因为我系唯一有船牌。”

至于寿星女家怡虽然而在陆地上有“女车神”之称，但出到海便发生不少虾碌事，Kenny大爆：“佢开头虽然跌咗好多次，但好坚持继续，后来好似想放弃，不过我哋唔肯畀佢上水‘你一定要放到绳行到为止！’最后喺我哋强迫之下终于完成咗呢件事，佢都话好开心冇遗憾咁上番架船，哈哈。”家怡就笑说：“寻日Wakesurf我跌咗好多次，跌到有挫败感，好在最终得到星级教练Kenny同Michelle指导，终于喺最后一次成功咗，可惜冇片，哈哈！”