袁伟豪婚后少出夜街 乐做小男人

etin

艺人袁伟豪（Ben）与张宝儿结婚以来一直非常恩爱，他称婚后变得更加喜欢宅在家：“我连揸电单车出去都少咗，以前会开夜车，有家庭生活后夜生活少咗，冇理由要太太等你门，依家可能天未光就约朋友出去食早餐，跟住返屋企。”他自言以前比较强势，但婚后却乐做小男人迁就太太：“拍拖嘅时候会有多啲争拗，大家都有自己想法，婚后我会就佢多啲，会从佢个出发点去谂，学识更包容，可能以前人哋包容我多啲，所以依家咪要还啰，呢个系学习，我都几享受。（大家最大争拗系咩？）冇乜，最大意见系工作上，有时佢得到一啲工作机会，佢会问我见意，我话最后都系由你自己决定，无论你做咩决定，我都会支持。”讲到造人大计，Ben坦言也有计划：“曾经会谂系咪好时机，尤其疫情咁严重，但最重要系睇太太，要佢得闲冇咁忙先，唔通叫佢大住个肚开工咩，随缘啦，我心理上就已经准备好。”